網民狂呼邵仲衡減20磅 復出做型格中生

憑《大時代》翻叮紅爆全港的「丁孝蟹」邵仲衡，早前放風有意復出，網民個個拍手讚好，狂推邵仲衡比現時無綫力捧小生有型多多聲；有意見卻覺得他外形、演技只屬普通貨色，各位又撑唔撑「大佬孝」強勢回歸？

邵仲衡在八十年代入行，九十年代中期淡出，近日憑丁孝蟹一角令其名字登上熱門搜尋榜，曾三日密做30個訪問，人氣不遜天王、天后。他曾在訪問中直言兩位兒子已長大，不用憂柴憂米，是合適時機重返幕前。

去年他刻意增肥在電影《點對點》當陳豪綠葉，今年他憑《大》劇的氣勢，有望在娛樂圈尋找第二春。網民對大佬孝重返娛樂圈議論紛紛，不少人激讚他堅型，減肥後可做型格中生，有人則大彈他演技並非特別好。

冀拍《四小蟹前傳》

昨晚記者聯絡到邵仲衡，他直認已落實拍攝電影、舞台劇、網劇及內地劇集，打算作多方面嘗試。提到網民指他比無綫力捧小生具台型，他承認自己作為觀眾也希望有多些選擇，不用來來去去都是嗰幾個。至於回歸無綫，他強調藝員科至今至未有聯絡他，主導權亦不在其手。談到有傳《大時代》開電影版，邵仲衡大潑冷水：「好悶！不如搞新嘢如《四小蟹前傳》、《慳妹前傳》好過啦！」

撰文：Steven、Pat

協力：Ivy

編輯：余運慶

插圖：何樂

設計：鄧俊明