決志信主 打救人生 栢芝：我犯過好多罪

商台昨日凌晨繼續播出張栢芝錄音節目，曾被指事業跌至谷底的栢芝，承認自己做錯過很多事情，最近再次回到上帝身邊成為基督徒。她又言若有時光機回到過去，她依然會選擇結婚生仔。

在電台節目中，栢芝繼續以嘉賓主持身份接受好友Rick Chin訪問，栢芝被問到如果有部時光機讓她回到過去，會否再選擇結婚？栢芝爽快表示會，就算明知會離婚，她依然會揀結婚和生仔，栢芝表示：「呢個係上帝安排，上帝係最好導演，所有劇本係佢寫。」

早年栢芝經常四出求神問卜，她在節目中透露近日決志再成為基督徒，栢芝解釋：「我因為宗教已經畀記者寫過好多次，寫得好難睇……坦白講，拜神同拜偶像我都曾經試過，咁多年來，第一次信主係梅姐（梅艷芳）火葬，之後我哋去解穢酒，旁邊係我第一次去嘅教會，梅姐走咗之後我第一次信主，所以就返教會。」

在人不能在神都能

栢芝又稱這十年內離開了主三次，當中反反覆覆拜偶像和拜神，更有雜誌寫她因為事業跌到谷底，所以要靠耶穌打救。栢芝坦言：「呢句話表面好難聽，但我好開心佢哋登呢句話，因為如果要靠耶穌打救，即係話佢哋已經相信耶穌力量有幾大，先至打救到我。」但栢芝強調基督徒不是沒有缺點：「我唔敢講其他，只講自己，今次堅決返到神的身邊，因為我知道自己係罪人，犯過好多罪，做錯過好多事。在人不能，在神都能，所以我先唔介意外間點睇都咁愛神，就係希望神用寶血赦免我的罪，我不停認罪，希望可以慢慢學似基督。」

縮小缺點放大優點

栢芝在娛樂圈戀聞多多，Rick Chin說記憶中沒聽過栢芝把前度和舊愛作比較，栢芝表示自己從來不會向後行，「每個人都有過去，以前的事過去咗，我就唔再諗。我有個宗旨，過得人過得自己，你去比較男友，男人都會去比較，大家要互相尊重。」栢芝又指每個人都有缺點，但她學懂將缺點縮小，放大優點，全靠「包容」兩個字。

撰文：林常恩

編輯：陳禮恒