周奕瑋獲頒「最佳娛樂節目主持」 帶團遊北海道團友驚喜慶生大受感動

「日本通」周奕瑋（Jarvis）主持的旅遊節目大受歡迎，近日人逢喜事精神爽，除了密密接Job帶團遊日本之外，更收到好消息，他獲得「2023亞洲影藝創意大獎」頒發「最佳娛樂節目主持」獎，他坦言對他的司儀工作絕對是一大肯定，更向本報透露今次帶團去北海道有相當難忘的經歷。

同場加映：黑妹韋綺姍薪火相傳率學生演出 吉吉啟豪深明癌症之苦義唱助人

{{hket:ul-video id="9259"}}{{/hket:ul-video}}

周遊關西｜周奕瑋爆港人預約日本餐廳後常甩底 為老闆發聲：做個有溫度嘅遊客【下一頁】

{{hket:inline-image name="384945726_725326472753541_1822828025077744100_n.jpg"}}{{/hket:inline-image}}

{{hket:inline-image name="20230110122748_600_600.jpeg"}}{{/hket:inline-image}}

「2023 亞洲影藝創意大獎」（中國香港地區）（Asian Academy Creative Awards 2023 – National Winners (Hong Kong SAR)）公布獎項，周奕瑋憑《萬千星輝頒獎典禮 2022》獲得「最佳娛樂節目主持」 獎項，今次有別於以往主持娛樂新聞報道或者旅遊節目，反而首次主持台慶頒獎禮就獲獎，絕對可喜可賀。Jarvis接受《晴報》電話訪問，他表示：「一開始知道自己入圍都好意外，因為能夠代表到香港去同亞洲其他地方嘅入圍者一齊角逐呢個獎。初初仲諗住入到圍已經當贏咗㗎喇，但後來先知道，原來本身已經係喺香港贏咗先至再去同亞洲其他地方角逐，感覺就更加強烈！始終我做旅遊節目主持之前，都係做主持、司儀等等出身，呢個先係自己加入呢個行業嘅起點。好多年前曾經攞過一次民選嘅最佳節目主持，係憑旅遊節目《周遊東京》攞嘅，今次以司儀身分，再得到另一個獎，我已經覺得好圓滿！因為終於喺『自己係個主持』呢件事上面，得到一份踏實嘅肯定。對於可唔可以贏埋亞洲區，我自己信心就唔大喇，不過能夠同其他都好厲害嘅人喺同一條起跑線，已經好滿足！」

{{hket:inline-image name="385420567_1429019221369899_2784521390113577331_n.jpg"}}{{/hket:inline-image}}

{{hket:inline-image name="383726122_864669138707968_6780168454226850638_n.jpg"}}{{/hket:inline-image}}

問到會否再下一城，明年再次主持台慶頒獎禮？Jarivs表示由公司去決定，每年頒獎禮都有不同主題，今年年初主題跟他有重疊的地方，所以比較適合，公司還有很多有能力和優秀的司儀。「大家都好需要一個被外界睇到自己嘅機會，所以我都希望可以睇到其他人喺舞台上發光發熱嘅，我自己就隨緣啦！」

周遊關西丨周奕瑋節目尾聲彩蛋揭手信對象 開直播預告秋天帶團粉絲搶住報名【下一頁】

剛剛帶團遊北海道的Jarvis表示非常興奮，他亦有拍下不少打卡相po上IG，又跟團友們打成一片，「今次係疫情之後第一次帶嘅旅行團，一開始都有少少壓力，因為一來自己四年冇帶過旅行團，都驚自己生疏咗，照顧團友照顧得唔夠細心。再加上今次呢個團一推出，都未正式做宣傳就已經收到爆滿嘅消息，我自己都好興奮，但係同時間亦都希望唔好令佢哋失望。所以每一晚返到酒店，都認真諗定例如第二日同啲團友喺架車度講啲咩，有啲咩小心思、小驚喜畀佢哋咁。」

{{hket:inline-image name="568ce347-7507-4de2-bb41-c2bd59db3bc5.jpg"}}{{/hket:inline-image}}

{{hket:inline-image name="4d2a788f-3651-4bc7-b14b-8ebea71ce78b.jpg"}}{{/hket:inline-image}}

他透露團友臨走時都對他的招待感相當開心同滿意，更寫了幾版紙意見分享喜悅的感受，「其實今次呢一團入面都有唔少嘅朋友係以前已經參加過我嘅旅行團好幾次，所以再次見到佢哋嘅面孔，我都覺得好感動。今次去咗一個星期，當中都有好多難忘事，例如有團友靜靜雞幫我準備咗個生日蛋糕，同我補祝9月份生日。因為我哋嗰晚去嘅地方有啲偏遠，其實要準備蛋糕真係相當之難，但係佢哋竟然搵到，所以我都覺得好感動。而旅行團入面都有啲年輕啲嘅團友，佢哋夜晚返到酒店都仲想出街玩，我都有捨命陪君子，同佢哋出去夾吓公仔，行吓夜街咁，其實我自己都當寓工作於娛樂，哈哈！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組