商台DJ鬥扮腦朋友 小儀激似阿愁好笑到氣咳

小儀前晚與多位DJ包括當奴、細蘇等在商台台慶化身成彼思人氣動畫《玩轉腦朋友》的角色，小儀可愛版「阿愁」上身最吸睛，不少網友高呼激似度達99％；有意見卻暗寸其藍色粧容恐怖，大家又覺得小儀與阿愁係咪失散姊妹花？

前晚在尖沙咀舉行商業電台56周年台慶晚宴，席間宣布阮兆祥將於明年5月開個人Talk Show，梅小惠亦會開咪主持深夜節目。不過，全晚最爆可算是一班叱咤903 DJ惡搞近日最Hit的動畫《玩轉腦朋友》，電影以人腦的五種情緒做主角，包括阿樂、阿愁、阿驚、阿憎和阿燥，影片在港深受歡迎。

森美造型Hea爆

多位DJ當晚落力扮鬼扮馬玩到盡，搽到俏臉藍色的小儀全程阿愁上身、當奴則驚變紅臉阿燥、朱薰就化身綠臉阿憎。然而，同樣惡搞阿愁的森美竟然只是西裝上陣交行貨，相比小儀花盡心思，森美可謂Hea到無朋友。

不少網友齊聲激讚小儀無得頂；有人卻怒插是恐怖版。小儀昨日在Instagram繼續寸森美：「唔多講喇！睇到我哋早霸王阿邊個邊個同邊個有幾落力㗎啦！」森美同樣在IG上載戴藍色假髮補鑊相，更自嘲說：「哈哈！有啲似傻佬！」

協力：Ivy

編輯：陳禮恒

撰文：Steven、Pat

插圖：何樂

設計：鄧俊明