唔評論金馬獎賽果 家輝撐鞏俐夠份量

張家輝和Jessica C.昨日齊為又一城商場主持聖誕亮燈儀式，家輝大玩low-tech魔術，JC與模特兒表演跳舞。有指鞏俐炮轟金馬獎，似有失獎失風度之嫌，家輝唔敢批評賽果，更力撑鞏俐有國際級水準。

張家輝曾經憑《証人》勇奪金馬影帝，對於鞏俐直指金馬獎不專業，揚言以後不再出席。家輝被問到覺得賽果合理嗎？他說：「公平與否唔評論喇，我覺得鞏俐幾有型。（敢言方面？）本身在華人社會遠道去拍西片，佢係個好有深度同創作力嘅演員，大家都認同，獎項對佢只係錦上添花，喺大眾心目中係有分量，我都睇咗《歸來》，覺得佢好有誠意，經驗同技巧已達到國際級水平。」

JC否認已同居

家輝在活動上祝願今年聖誕有個平安的晚上，他不諱言是受到「佔中」事件有感而發，「其實都唔係淨指嗰件事（佔中），每一年都希望平安節好溫暖。自己好鍾意聖誕節，家姐喺我細個已經扮聖誕老人派禮物，到13歲先知原來冇聖誕老人，佢都點得我好透。」

有報道指JC為免甩拖的謝婷婷再黐男友安志杰（Andy），遂提出搬到男友家展開同居生活，JC否認要綁實男友：「我唔擔心，我好尊重Andy和Jennifer（婷婷），Andy好忙，有時間會一齊行街拍拖，但暫時唔搬入佢屋企。」

撰文：Pauline

編輯：陳禮恒

設計：梁政敏