上次趕唔切入產房 鄭中基提早收爐等B出世

鄭中基（Ronald）最近有多部新戲上映，昨日又為《惡人谷》開鏡，密密賺奶粉錢。老婆余思敏懷第二胎，Ronald對於上次趕不及入產房而耿耿於懷，他揚言今次一定要親手為BB剪臍帶。

鄭中基、吳鎮宇、周秀娜、官恩娜及余安安等，昨日在西貢出席喜劇《惡人谷》開鏡拜神儀式。一眾演員的復古打扮老套兼惹笑，扮演村長的Ronald特別為角色曬黑皮膚，並穿上高腰褲及墊膊恤衫，連他自己都忍不住自嘲：「着高腰褲已經肉酸，加pad仲肉酸，不過導演鍾意。」

笑指囡囡好嘈

Ronald又透露電影將拍至11月底，屆時除了為《張保仔》做後期，就專心陪太太余思敏待產，BB的預產期在明年二月。由於上次女兒Emma出世，他從北京趕返港時遇上航班延誤，令他錯過了入產房迎接女兒降生一刻，所以他今次迫自己提早「收爐」，一定要陪太太入產房，親手剪臍帶及拍片。

笑問他不怕血嗎？他表示：「我唔怕血，仲買咗部攝錄機練習，原本想帶埋個女入產房，不過院方只可以畀一個人入去。BB好叻仔呀，趕住出嚟𢭃利市，幫老豆賺番啲。」Ronald又笑言現在一個囡囡已經好嘈，之後囝囝出世更加嘈，會否再追多個，順其自然好了。

一班演員合作愉快，飾演後母的余安安以樸素打扮示人，Ronald笑言：「第一次同安安合作，我成日畀佢鬧『x街仔』，估唔到佢咁玩得。」官恩娜與Ronald有不少對手戲，但她沒有時間曬太陽，所以每次埋位前都要花兩小時去塗黑膚色，還要把牙齒漂黃，她覺得好玩。

採訪：Pauline

編輯：陳禮恒

設計：梁政敏