黛安
黛安

《晴報》有禮 第50萬位讀者獎$500

發佈時間: 2014/07/25

《晴報》有禮 第50萬位讀者獎$500

今個星期日(7月27日)是《晴報》三歲生日,黛安想預先同《晴報》講聲生日快樂,一紙風行!年紀輕輕的《晴報》,出世至今成績有目共睹,大家睇下今日手上的報紙,足足有112頁,就知市民同廣告商對報紙有幾支持啦!

為了與讀者同樂,幫報紙賀壽,《晴報》的派報團隊昨日更找來20位美女兵團,去到中環、灣仔、金鐘、銅鑼灣及鰂魚涌等商業區派報紙,佢哋仲帶埋一疊三周年送禮單張落區,邀請讀者一齊玩遊戲、贏獎品。

玩遊戲贏卡通精品

黛安都從靚女派報員手中取得一份,聽講只要用手機掃描單張上的QR code,即可參與簡單問答遊戲,有機會捧走日本大熱動漫《海賊王》及人見人愛的大口仔精品,數量有百幾份咁多!

相信各位忠實讀者都知道,《晴報》每日發行量達50萬分。昨日《晴報》的同事鬼馬地在其中一份報紙,貼上「第50萬份」的巨型橙色貼紙,混在中環區的報紙入面。大約九點半,一位身穿黑色連身裙的OL接過報紙。

「恭喜你呀!」這位俏OL當然唔知發生咩事啦!原來美女派報姐姐一早為「幸運兒」預備大禮──就是500元現鈔一張。黛安有幸在現場見證盛事!攞免費報紙都可獲頒現金獎,認真Lucky。如果行快兩步,話唔定得獎者就是黛安,今日就可同派報員一齊在專欄現真身了。

撰文: 黛安 消息特靈八卦公關
欄名: 八卦名利場